|
Gwasanaeth Lleol, Cryfder Cenedlaethol
Croeso i Harlech Foodservice Cyf, sydd â’i
bencadlys ger Pwllheli yn ardal hyfryd Gogledd Cymru.
Sefydlwyd Harlech yn 1972 fel cwmni teuluol bychan,
ac er ei fod yn dal yn gwmni annibynnol, sy’n cael ei reoli gan
y teulu sy’n berchen arno, mae’n cyflogi dros 70 o staff lleol
llawn-amser – y rhan fwyaf ohonynt yn ddwyieithog.
Fel llawer o fusnesau yn y sector arlwyo, mae’r
busnes yn un tymhorol i raddau helaeth, ond yn ffodus iawn rydym
wedi cael cytundeb gan awdurdodau lleol, gan gynnwys ysgolion.
Er mwyn cystadlu’n effeithiol â chwmnïau cenedlaethol,
ymunodd y cwmni yn 1993 â Fairway Foodservice ccc, y consortiwm
prynu bwyd annibynnol mwyaf yn y DU. Yn fwy diweddar, rydym wedi
ymuno â grwpiau prynu Ice Cream World a Nisa Today’s. Mae hyn
wedi rhoi per prynu cenedlaethol helaeth i Harlech yn holl gategorïau’r
sector gwasanaethau bwyd, h.y. bwydydd wedi’u rhewi, bwydydd oer,
bwydydd cyffredinol, nwyddau glanhau, cynnyrch untro a hufen iâ,
gan ein galluogi i ddal gafael ar yr atebolrwydd lleol a’r gwasanaeth
personol. Dyma’n cryfder a’r hyn yr ydym yn adnabyddus amdano.
Sicrwydd Ansawdd
Mae diogelwch bwyd, yn gwbl briodol, yn bwysig iawn i bawb, ac
mae’n braf gwybod bod Harlech a phob un o’i gyflenwyr wedi’u hachredu’n
llawn ac yn cael eu hasesu’n rheolaidd er mwyn sicrhau bod eich
archeb yn eich cyrraedd yn y cyflwr priodol.
|
HACCP, COSHH
Gallwch gael yr holl ddogfennau angenrheidiol ar gyfer y cynnyrch
a gyflenwir gennym drwy gysylltu â ni.
Dewch i’n cyfarfod
Bob blwyddyn rydym yn cynnal Sioe Fasnach fawr yn Hafan y Môr
ger Pwllheli, â thros 50 o arddangoswyr, lle gallwch weld drosoch
eich hun cymaint yr ydym yn gwerthfawrogi’ch busnes ac yn gwneud
ein gorau i helpu. Mae hwn yn gyfle ichi weld, blasu a phrofi
cynnyrch newydd ac edrych unwaith eto ar yr hen ffefrynnau, er
mwyn eich helpu i gynllunio’ch bwydlen ar gyfer dechrau’r tymor.
Gallwch fanteisio ar lawer o Gynigion Arbennig a gynigir yn y
Sioe a thrafod syniadau ar gyfer y fwydlen gyda’r Cynhyrchwyr
eu hunain. Cynhelir y Sioe ym mis Chwefror fel rheol – cysylltwch
â’r gwasanaeth Telewerthu i gael gwybod yr union ddyddiad.
|
